पदवीधरांनो मायक्रो ओबीसी समूहाला सत्तेत पोहचविण्याची संधी गमवू नका ; अशोक सोनोने यांचे आवाहन

Amravati Teachers Constituency Election 2020; Support for the Vanchit Bahujan Aaghadi's Mahesh Davre

Social24Network 

मायक्रो ओबीसी समाजाचा सन्मान करणारे महाराष्ट्रातील एकमेव नेते अँड. बाळासाहेब आंबेडकर आहेत. ज्या राजकीय पक्षांनी कधीही ओबीसीचा विचार केला नाही. त्या ओबीसी समुहाला न्याय देवून सत्तेमध्ये आणण्याची भूमिका बाळासाहेबांची आहे, वंचित बहुजन आघाडीची आहे. त्याच आधारावर अमरावती शिक्षक मतदार संघाच्या निवडणुकीत वंचित बहुजन आघाडीने महेश डवरे यांना जाहिर पाठिंबा देत आहे. माझ्या पदवीधर बांधवांनो मायक्रो ओबीसी समूहाला सत्तेत पोहचविण्याची संधी गमवू नका असे आवाहन वंचित बहुजन आघाडी पार्लमेंट्री बोर्ड सदस्य अशोक सोनोने यांनी केले आहे. 

अमरावती विभाग शिक्षक मतदार संघ 2020 निवडणुकीत महेश विष्णुपंत डवरे यांना वंचित बहुजन आघाडीने आज जाहिर पाठिंबा दिला आहे. यासंदर्भातील घोषणा आज वंचित बहुजन आघाडीचे पार्लमेंट्री बोर्ड सदस्य अशोक सोनोने यांनी अकोला येथे आयोजित पत्रकार परिषदेमध्ये केली आहे. 

या पत्रकार परिषदेला वंचित बहुजन आघाडीचे प्रदेश प्रवक्ता प्रा. डाॅ. धैर्यवर्धन पुंडकर, वंचित बहुजन युवक आघाडीचे प्रदेशाध्यक्ष नीलेश विश्वकर्मा, प्रदेश महासचिव राजेंद्र पातोडे, जि. प. अकोलाच्या अध्यक्ष प्रतिभा भोजने, महिला आघाडीच्या प्रदेश महासचिव अरूंधती सिरसाट, महिला आघाडीच्या जिल्हाध्यक्षा प्रभाताई सिरसाट, वंचित बहुजन आघाडीचे अकोला जिल्हाध्यक्ष प्रमोद देंडवे, बुलढाणा जिल्हाध्यक्ष राजाभाउ भोजने, अमरावती जिल्हाध्यक्ष शैलेश गवई, अमरावती जिल्हाध्यक्ष अमिन पटेल, वाशिम जिल्हाध्यक्ष रविंद्र देशमुख, फुले-आंबेडकर सभेचे अकोला जिल्हाध्यक्ष प्रा. विजय आठवले, बालमुकुंद भिरड, अँड. संतोष राहाटे आदी उपस्थित होते. 

शिक्षक मतदार संघाच्या या निवडणुकीमध्ये एकुण 34690 मतदार अमरावती विभागात असून वंचित बहुजन आघाडी, भारिप बहुजन महासंघ, युवक आघाडी, महिला आघाडी, फुले-आंबेडकर विद्वत सभा आणि सम्यक विद्यार्थी आंदोलनाच्या कार्यकत्र्यांनी तन मन धनाने महेश डवरे यांच्या विजयासाठी प्रचार करावा आणि आपल्या उमेदवाराला निवडुन आणावे असे आवाहन सोनोने यांनी केले आहे.